Srpski teniser Viktor Troicki je napravio pravi šou početkom drugog seta u meču protiv Ernesta Gulbisa u Rimu, nakon što je glavni sudija dosudio Troickom aut.

Troicki je preskočio mrežu i počelo je ubjeđivanje.

“Ma hajde! Nijesi u pravo. Znaš da nijesi u pravo! Sudio si aut i ne želiš da promijeniš odluku, a vidiš da nema mjesta između traga loptice i linije. Nije bio aut. Ne želim igrati ovako. Misliš da si uvijek u pravo”, svađao se Troicki sa sudijom Kedrikom Morierom, koji je ostao uporan.

Troicki je zatražio od kamermana da snimi sporno mjesto, što je publika pozdravila aplauzom.

Ništa, ipak, nije pomoglo. Troicki je na kraju izgubio 6-1, 6-1 u drugom kolu ATP turnira u Rimu.