Ujedinjene nacije su danas su objavili da su izraelski tenkovi probili kapiju baze u južnome Libanu u kojoj se nalaze mirovne snage.

Izraelski premijer Benjamin Netanjahu je ranije pozvao UN da evakuišu pripadnike mirovnih snaga (UNIFIL) iz područja u Libana u kojima traju sukobi, prenosi portal Index.hr.

Nekoliko sati kasnije UNIFIL je izvijestio o daljem izraelskom kršenju dogovora, a to se odnosi na nasilan proboj i ulazak tenkova kroz kapiju vojne baze.

“Došlo je vrijeme da povučete UNIFIL iz uporišta Hezbolaha i iz zona sukoba”, poručio je Netanjahu generalnom sekretaru UN Antoniju Guterešu.

“Izraelske odbrambene snage su to zatražile više puta, no s obzirom na to da su naišle na ponovno odbijanje, vojnici su posljedično postali živi štit teroristima Hezbolaha”, dodao je Netanjahu.

Hezbolah negira izraelske optužbe po kojima koristi blizinu mirovnih snaga za vlastitu zaštitu.

Al Džazira javlja da je povrijeđeno 15 pripadnike misije UNIFIL.