“Zamijeniti Vilana, Kara-Murzu i Gerškoviča za Asanža. Za manje od trojice ga neće vratiti. Spasite jedan koristan život po cijeni tri štetna”, poručila je Simonjan na svom Telegram nalogu.

Nakon hapšenja Asanža, SAD su otpečatile optužnicu kojom se osnivač Vikiliksa tereti po Zakonu o špijunaži. Ako bude izručen i osuđen, Asanž se suočava sa kaznom do 175 godina zatvora.

Margarita Simonjan nije prva koja misli da bi Rusija trebalo da zamijeni svoje zatvorenike za osnivača Vikiliksa. Prije nekoliko dana, član ruske Dume Sergej Obuhov rekao je novinarima da je njegov predlog da se Asanž mijenja za Gerškoviča. “Kažem, hajde da ga zamijenimo za Asanža”, rekao je Obuhov za RIA Novosti, prenosi RT.