“Naša je jasna poruka da ne postoji prepreka koja će nas zaustaviti i omesti u našoj čvrstoj namjeri da sačuvamo i odbranimo Sinjajevinu. Zima, ljeto, nas niko neće zaustaviti niti ćemo dozvoliti da nam iko uništava ono što nam je priroda dala, a previ ostavili”, poručeno je sa Margite.
‘Sačuvajmo Sinjajevinu’ podsjeća na protest koji je trajao 51 dan upravo na Margiti 2020. godine.
“Naši protesti i aktivnosti su se nastavile i izlazak na Margiti u januaru je sada već tradicionalna aktivnost. Ovaj januarski marš je poruka da naša planina nikada nije sama, ni u jednom godišnjem dobu, mjesecu, danu ni satu! Naša Sinjajevina je nas podigla i odhranila, a taj dug mi moramo vratiti tako što ćemo je i životom braniti od bombi i bilo kojeg drugog uništavanja. Samo zdrava i sačuvana Sinjajevina, koja hrani Crnu Goru, napaja nas vodom i čistim vazduhom, je garant bezbednosti svih nas”, poručili su iz GI “Sačuvajmo Sinjajevinu”.
Oni su ponovili apel da Vlada poništi odluku o vojnom poligonu “u što kraćem roku kako ne bi radikalizvali našu borbu za Sinjajevinu”.
0 Comments