Hrvatski naučnik: Ove zime se treba više bojati gripe nego kovida

Objavljeno: 06.09.2021, 10:02h

Naučnik i član Znanstvenog savjeta Vlade Republike Hrvatske Gordan Lauc je upozorio da bi se ove zime više trebalo bojati gripe nego kovida.

“Preskočili smo jednu sezonu prirodne imunizacije, imunitet nam je pao i mislim da je ove sezone jako mudro vakcinisati se protiv gripe”, rekao je Lauc, prenosi Index.hr, napominjući da vakcinacija protv gripe nije nikakav problem.

“Vakcinicacija protiv gripe je nešto što imamo decenijama. Gripa je jako teška bolest i gripe se treba bojati”, rekao je Lauc. On je dodao da se još ne zna zašto gripe lani nije bilo.

Lauc je komentirao epidemiološke mjere i ocijenio da ih treba ukinuti.

“Ono što smo vjerovatno do sada svi već naučili je da onime što zovemo mjere ne smanjujemo broj zaraženih ljudi, mi samo produljujemo period u kojem će se virus proširiti do svih onih do kojih virus treba doći. Sve ove nametnute mjere uspore širenje virusa za 15-20 posto. One su prvenstveno uvedene da spriječimo opterećenje zdravstvenog sustava. To što smo malo rastegnuli krivulju je pomoglo. SARS COV-2 više ne prijeti da će imati veliki broj teško bolesnih ljudi, ali za gripu još uvijek ne znamo”, rekao je Lauc.

Pratite nas na Fejsbuku, Instagramu i Tviteru. Ako imate predlog teme za nas, javite se na [email protected]
Prije nego ostavite komentar, molimo vas da pročitate Pravila komentarisanja na Portalu PCNEN

Leave a Reply