“Evo samo jednog primjera, pa da se razmisli. Prije 35 godina u ovoj istoj zemlji je živio ovaj isti narod, samo što je tada bio manje obrazovan nego danas. I onda se promijenila vlast. I sad smo na kraju balade sa njima došli do stanja do kojega smo došli. Pa šta se promijenilo, narod ili vlast. Ko je kriv, ovaj isti narod koji ovo što radi nije radio prije 35 godina.

Nemojte da mislite da su Njemci ili  Englezi kulturni i fini jer su oni takvi, ne. Oni su takvi jer imaju vladavinu prava i vlast koja neselektivno sprovodi zakone. Kad vlast ne sprovodi zakone i kada se u realnom životu vodi prokletom krilaticom ‘za šaku glasova’, to  jeste kad se opraštaju nedjela očiglednim krivicima jer su ‘naši i donose nam dosta glasova’, onda imamo situaciju i da normalni građani počnu da se ponašaju kao i ovi povlašćeni. A ovima na vlasti to odgovara jer, gle čuda, eto prilike da se i ovi ucijene da se glasa za vlast, jer prijava će se pocijepati…”, kaže Mrdak za portal Kombinat.