Za 23. jun u Apelacionom sudu zakazano je razmatranje validnosti presude protiv 14 optuženih za pokušaj terorizma i članstvo u kriminalnoj organizaciji koju su formirali ruski državljani, agenti GRU Eduard Šišmakov i Vladimir Popov.

Prvostepenom presudom, koju je 9. maja prošle godine izreklo krivično vijeće sutkinje Suzane Mugoše, Eduar Šišmakov osuđen je na jedinstvenu kaznu zatvora od 15 godina za krivična djela stvaranje kriminalne organizacije i terorizam u pokušaju, a Vladimir Popov na jedinstvenu kaznu zatvora od 12 godina za ista krivična djela, prenosi RTCG.

Lideri Demokratskog fronta Andrija Mandić i Milan Knežević osuđeni su na po pet godina robije, dok je vozač Mihailo Čađenović osuđen na godinu i šest mjeseci zatvora.