U Hrvatskoj će danas biti održan referendum o ustavnoj definiciji braka na kome se građani/građanke izjašnjavaju da li su “za” ili “protiv” da se u Ustav unese definicija braka kao životne zajednice žene i muškarca.

Održavanje referenduma zatražila je inicijativa “U ime obitelji”, koja je, prema nekim spekulacijama, povezana sa najuticajnijom organizacijom unutar Katoličke crkve. Referendumu su se usprotivila udruženja civilnog društva i o ovom pitanju je proteklih mjeseci vođena žestoka rasprava.

Predsjednik Hrvatske Ivo Josipvić je ponovio juče da će na referendum glasati “protiv”.

I premijer Zoran Milanović je građane pozvao da se na referendum izjasne “protiv”.

Državno izborno povjerenstvo (DIP) objavljivaće privremene rezultate glasanja na svojoj internet strani od 20 sati.