Evropska unija je proglašena za dobitnika ovogodišnje Nobelove nagrade za mir zbog dugoročne uloge u ujedinjenju kontinenta, saopštio je danas Nobelov komitet u Oslu.

Komitet je čestitao EU na uspješnom oporavku poslije Drugog svjetskog rata i ulozi u širenju stabilnosti na bivše komunističke zemlje poslije pada Berlinskog zida 1989. godine, prenio je Rojters.

Norveška televizija NRK je, sat vremena pre zvaničnog proglašenja, javila da je donijeta jednoglasna odluka da se EU proglasi ovogodišnjem laureatom.

Među glavnim kandidatima bili su Bjelorus Aleš Beljacki, Ruskinja Svetlana Ganuškina, ruska grupa za ljudska prava Memorijal, Avganistanka Sima Samar Kubanka Joani Sančes i Amerikanac Džin Šarp.