Liberalna partija će na  parlamentarnim i lokalnim izborima 14. oktobra, nastupiti u koaliciji sa Demokratskom partijom socijalista  i Socijaldemoktatskom partijom, odlučeno je većinom glasova na Glavnom odboru LP, javila je Mina.

Predsjednik LP Andrija Popović rekao je novinarima nakon sjednice, da je za koaliciju sa DPS-om i SDP-om glasalo 36 članova GO, četiri su bila protiv, a dva uzdržana.

Upitan da li je tačno da će, prema koalicionom sporazumu LP u narednom sazivu imati dva mandata i jedan resor u Vladi, Popović je rekao da će sporazum biti potpisan najkasnije za sedam dana i da će time biti precizirana otvorena pitanja.

“Insitiraćemo da Ministarstvo sporta, ukoliko ga bude, pripadane LP, a pored toga preciziraćemo i neka druga pitanja, kao što su mjesta pomoćnika u resorima”, kazao je on.