U peticiji koju je pokrenula grupa građana Starog grada, a koja je juče potpisivana, upozorava se na svakodnevnu devastaciju starog Kotora, prenosi Radio Kotor.

”Kotor, jedna riznica neistraženog blaga – to više nije. Sve zahvaljujući svakodnevnoj devastaciji od strane mnogobrojnih kafana koje se više ni izbrojati ne mogu, što mobilijarom neprimjerenim za ono što smo naslijedili i gdje živimo, što preglasnom muzikom koja se pušta u svako doba dana i noći i koja se ne može nazvati muzikom nego urlanjem i bukom. Ljudi i grad u kojem žive nisu to zaslužili, tome treba jednom reći stop, treba vratiti dostojanstvo i normalan život na ulice Starog rada“, kazano je u tekstu peticije, upućene na adrese instiucija lokalne samouprave.

Peticija je pokrenuta nakon što je udruženje lokalnih ugostitelja tražilo dozvolu za puštanje muzike radnim danima do ponoći i vikendom do 01.00 i žalilo se na represivan odnos Komunalne policije.