Clanovi porodice haskog optuzenika generala Nebojse Pavkovica kazu da im je tokom informativnog razgovora u policiji receno da za Pavkovicem tragaju haski agenti i lovci na glave i da su im i djeca ugrozena. Dusica Bogdanovic, najstarija Pavkoviceva kcerka, rekla je za beogradski “Glas javnosti”da joj je urucen otkaz na Vojno-medicinskoj akademiji poslije informativnog razgovora u policiji, iako njeno ime nije bilo na spisku za otkaze.

Dusica kaze da pouzdano zna da njeno ime nije bilo na spisku za otkaze, ali da je “naknadno telefonom javljeno” da se i njoj kuca otkaz, i to poslije 13 godina koje je na VMA provela kao referent.

Prema njenim rijecima, veci dio ispitivanja u policiji na Zvezdari, gdje je u isto vrijeme ispitivan i njen suprug Dragan, prosao je u politickom marketingu i ubjedjivanju da treba da nagovori oca da se preda.

“Gospodin koji me ispitivao pitao me je znam li kakva je situacija na VMA, da mogu da izgubim posao, a da vlada moze da mi pomogne da do takvih situacija ne dodje”, rekla je generalova kcerka.

Ona kaze da su je u jednom dijelu razgovora pitali zar joj ne bi bilo draze da joj se otac preda, nego da ga vidi sa kesom na glavi, jer oni nisu u mogucnosti da sprijece nekog drugog da ga trazi i uhvati.

Generalov zet Dragan Bogdanovic kaze da su ih na informativnom razgovoru opomenuli da za Pavkovicem tragaju lovci na glave, zbog cega devetogodsnjeg sina DJordja i ne pustaju u skolu.

Marija Pavkovic, kcerka iz drugog braka, dodaje da je njena porodica odbila odbila pomoc, jer nisu na pijaci pa da prodaju oca, navodeci da su i nju u razgovoru upozoravali kako je “tesko kad se drzava na nekog nakaci”.

Generalova porodica navodi da ga nije vidjela od 4. jula 2004. godine i da on nece dovoditi u opasnost ni sebe, ni porodicu.