Pakistanske vlasti su uhapsile šestoro djece i dvije supruge Osame bin Ladena. Uhapšeno je i nekoliko bliskih prijatelja ubijenog vođe Al Kaide, prenosi kineska agencija Hsinkua informacije pakistanskih medija.

Kineska agencija prenosi i informacije pakistanskih medija da je Bin Laden ubijen u operaciji potrage koju su sprovele pakistanske bezbjednosne snage nakon što je pakistanski vojni helikopter srušen u Abotabadu i tom prilikom zapaljene dvije kuće.

Navodno je taj helikopter srušila nepoznata grupa, nakon čega je pokrenuta akcija potrage za palom letjelicom, kada je došlo do razmjene vatre.

Kineska agencija citira iste lokalne medije da su kasnije dva američka helikoptera odnijela tijelo ubijenog Bin Ladena.