Bogati italijanski turista je otišao bijesan iz francuskog ljetovališta Sen Trope nakon što ga je, prema njegovim riječima, konobar napao zbog napojnice od 500 eura, koja mu je bila premala.

Njega je konobar navodno pratio do parkirališta restorana kako bi mu rekao da napojnica “nije dovoljna” i vrijeđao ga što nije ostavio barem 1.000 eura, prenio je Tanjug.

“On je mislio da je bio velikodušan kada je ostavio 500 eura. Umjesto toga, bio je izvrijeđan. Konobar mu je rekao da to nije dovoljno i da može da uloži malo više truda kako bi dosegao 1.000 eura jer je to bliže 20 odsto ukupnog iznosa njegovog računa”, izjavio je prijatelj italijanskog turiste za lokalni list Nice Matin, prenio je Dejli mejl.