Njemačka medijska grupa VAC poslala je pismo predsjedniku Srbije Borisu Tadiću, u kome traži pomoć za preuzimanje dnevnika Večernje novosti. Ukoliko ne dobije pomoć u slučaju Novosti, VAC prijeti da će se povući iz Srbije i da će prodati 50 odsto akcija u dnevnim novinama Politika i vlasništvo u Dnevniku iz Novog Sada, piše Press.

Pismu kompanije VAC Tadiću, koje je u njegov kabinet stiglo juče ujutru, prethodila je usmena najava čelnika nejmačke kompanije u medijskim i političkim krugovima da će se obratiti Tadiću.

VAC je u tim porukama čak i pretio da će poslije povlačenja iz Srbije iz sve snage lobirati kod njemačkih kompanija da ne ulažu u Srbiju i da će od njemačke vlade tražiti da ukoči evropske integracije Srbije.

U tim porukama predsedniku republike bilo je i najava da će VAC prije odlaska otkriti ko je sve iz vladajućih struktura Srbije bio uključen u pregovore o kupovini Večernjih novosti, piše Press.