Mirjana Pukanić, supruga ubijenog novinskog izdavača Ive Pukanića, danas je na Općinskom kaznenom sudu u Zagrebu oslobođena optužbe za posjedovanje 15 grama kokaina kojeg je u njenoj toaletnoj torbici pronašla spremačica porodice Pukanić, izvijestio je Jutarnji list.

U obrazloženju presude sutkinja je naglasila da nije utvrđeno da je upravo Mirjana Pukanić posjedovala drogu.

"Gospođa Pukanić je, neosporno, bila konzument, no droga je otkrivena 15 dana nakon njene prisilne hospitalizacije", kazala je sutkinja.

Dodala je i kako je vrlo sumnjivo što na vrećici droge nijesu pronađeni niti jedni DNK tragovi osim od Mirjane Pukanić, a vrećicu su držali i spremačica i policajci.