S današnjom vremenskom distancom, konstatacija SZO definitivno zvuči naivno, nekritički, pa i tragično neodgovorno. S druge strane, u tom je trenutku bilo potvrđeno manje od 50 slučajeva u Kini, a samo dva izvan nje – u Japanu i Tajlandu.

No, je li ova izjava bila opravdana iz tadašnje perspektive? Objavljena je samo devet dana prije nego što je Kina ipak priznala da je epidemija u Vuhanu eskalirala i uvela masovni karantin, prvo u tom gradu, zatim u cijeloj provinciji Hubei od 60 miliona ljudi, a onda i u drugim pogođenim gradovima diljem zemlje.

Samo tri nedjelje kasnije, 4. februara, izvan Kine je bilo potvrđeno već 204 slučaja, uključujući dvije smrti, piše portal Index.hr u opštirnom članku u kome se propituje ponašanje SZO u aktuelnim događajima.