Jovović je dobitnik više značajnih književnih priznanja.

Bio je dugo godina urednik časopisa Stvaranje.

“I premda imenovan i prepoznat kao nacionalni, ,’srpski pjesnik’, Ranko Jovović se, prije svega, pokazuje pjesnikom humanističke provenijencije, nadmoćan svim vrstama nacionalizama. Za površne poznavaoce književnih prilika Jovović jeste nacionalist, za ozbiljnije poznavaoce životnih, duhovnih i duševnih prilika, Ranko jeste nadnacionalist. Njegov nadnacionalizam se najbolje ogleda u naslovnicama njegovih publikovanih, humanistički orijentisanih, raznorodnih knjiga: Ni dana bez kajanja, Šta je čovjek bez podviga Gospode, Suze Marka Miljanova, Izdahnuću na balkonu, Dodir tame, Divlji plač, Gomilanje straha, Mračni hljeb, Neka mi ništa ne bude oprošteno, Moj doprinos razaranju svijeta, Zalazak sunca zauvijek, Vuci u žalosti, Poljubac za Anu Ahmatovu, Ne okreći glavu od mene Gospode, Spasi Bože itd”, napisala je Nikolina Đurović.