Biber je rekao da je zakon o slobodi vjeroispovijesti “na mnogo načina bio uspješan mamac Vlade da polarizuje i skrene pažnju”.

“Kao što je Venecijanska komisija u izvještaju prošle godine napomenula, nedostaju neke ključne garancije da će crkve u državnom vlasništvu i dalje biti dostupne Srpskoj pravoslavnoj crkvi. Iako Đukanović i Vlada ističu da će to biti tako, ali zakoni to ne garantuju”, kazao je Biber.

Kao takav, kako je dodao, Zakon doprinosi niskom nivou povjerenja i ne bavi se mogućnošću da ga Vlada može upotrijebiti za miješanje u vjerske slobode.

“U suštini, takođe je to klasičan Đukanovićev potez koji je preokrenuo postojeću polarizaciju u društvu u svoju korist. Znajući da je ‘druga’ strana manje brojna, on može još jednom povezati građane sa svojom vladom. U tome mu je, kao i obično, korisna pomoć srpske nacionalističke opozicije i crkve, koja u reakciji preko vrha nije uspjela da izgradi saveze i bila je igračka u rukama Vlade. Kao takva, Đukanovićeva izjava samo dosipa ulje na vatru”, smatra Biber.