Kompanije iz Rusije, Kine, Ujedinjenih Arapskim Emirata ne mogu dostavljati ponude za Elektroprivredu Crne Gore, jer su u startu diskvalifikovane zbog tenderski zahtijevanog kreditnog rejtinga po zapadnim propisima.

Zbog toga će se, kako je najavljeno Vijestima iz zainteresovanih energetskih kompanija iz tih zemalja, žaliti Tenderskoj komisiji za prodaju dijela akcija i dokapitalizaciju EPCG, i premijeru Milu Đukanoviću.

Interesovanje za crnogorsku državnu elektroenergetsku kompaniju, između ostalih, pokazali su ruski Inter Rao Ues, u većinskom državnom vlasništvu, kineska korporacija Sichuan Dongfang i S.S.K. iz Ujedinjenih Arapskih Emirata.

Potencijalni investitor mora imati i kreditni rejting, najmanje BBB minus koji su mu dodijelile agencije Standard and Poor's ili Fitch, ili Baa3 ukoliko ga rangira agencija Moody's.

Izvori bliski kompaniji Inter Rao potvrdili su da pripremaju žalbu i da će je ubrzo dostaviti komisiji, prenose Vijesti.