Posljednji krug pregovora između talibana i SAD o sporazumu o povlačenju hiljada američkih vojnika iz Avganistana je okončan i sada će se obje strane konsultovati sa svojim liderima, izjavio je danas talibanski portparol, prenosi RSE.

Osmi krug razgovora u Kataru, zaključen nakon ponoći, bio je “dugačak i koristan”, navodi u izjavi za javnost talibanski portparol Zabihulah Mujahid.

On nije dao nikakvu izjavu o ishodu razgovora.

Očekuje se da sporazum – ukoliko bude postignut – uključi talibanske garancije da Avganistan neće postati baza za druge ekstremističke grupe u budućnosti.