U znak protesta protiv daljeg istraživanja nafte i gasa u crnogorskom podmorju, danas u podne je održan protest u Baru kod Palih čempresa (ul. Mila Boškovića, kod Gimnazije/Ekonomske škole).

“Ovih dana, naftne kompanije intenzivno nastavljaju dalje uništavanje flore i faune našeg mora, s krajnjim ciljem postavljanja prve u nizu planiranih naftnih platformi. Sprega nadlježnih državnih institucija i naftnih kompanija ima sve elemente krivičnog djela i potrebno je hitno i momentalno obustaviti sve dalje radove s tim u vezi i raskinuti Ugovore o koncesiji”, poručeno je uoči protesta iz udrućenja SOS za Montenegro.

“Glavu damo, prirodu ne damo”, nova je poruka koja je promovisana danas od ‘Zeene gerile’.

Civilni aktivista Mirsad Kurgaš je na asfaltu sprejom ‘proglasio’ ulicu ‘Ulicom palih čempresa’.

Na protestu koji je izveden u formi šetnje od mjesta gdje su posječeni čempresi do marine nošeni su transparenti “Glavu damo, prirodu ne damo”, “Naše rijeke su naš krvotok” i “SOS za Jadran”. Kurgaš je ispred marine  sprejom napisao poruku: “Stop bušenju Jadrana”.