Žena koja se sakrila iza nadimka CountryMarch se požalila na internet forumu Mumsnet na ponašanje svoje svekrve, koja je na CD spakovala 400 fotografija sa sinovljevog i snahinog vjenčanja, a na niti jednoj od tih fotografija nema snahe, prenose online mediji.

Žena je slučajno pronašla CD u papirnom omotu na kome je pisalo “Benovo vjenčanje“, prepoznavši svekrvin rukopis.

“Pitala sam se zašto nijesam vidjela ove fotografije sedam godina, koliko smo u braku, ubacila sam CD u laptop i otvorila folder sa nazivom ‘vjenčanje’. Ispostavilo se da je riječ o fotografijama koje je na CD narezala moja svekrva”, napisala je žena, objašnjavajući da je nije bila bukvalno ni na jednoj jedinoj fotografiji.

Žena dalje navodi da je pomenula fotografije mužu, ali da se on jedva nasmijao.

“Da li sam nerazumna ako mislim da je ovo stvarno j**eno čudno? A da i ne govorim da je nepristojno i blago psihopatski?”, pitala je žena korisnike internet sajta.

Više od 100 ljudi odgovorilo je na njen post, slažući se sa njom da ovo uopšte nije normalno.