Kina je danas objavila da će 23. avgusta uvesti tarife od 25% na proizvode iz SAD u vrijednosti od 16 milijardi dolara. Na meti će biti sirova nafta, automobili, čelik i medicinska oprema, prenosi Advance.hr.

Mjera je odgovor na američko uvođenje tarifa od 25% na kineske proizvode u vrijednosti od 16 milijardi dolara.

Ovo je posljednji u nizu uzajamnih ekonomskih napada na relaciji Vašington – Peking.

Nove kineske tarife stupiće na snagu istog dana kada i američke.

Predsjednik SAD Donald Tramp je zaprijetio da će tarife dodatno pojačati ako Kina uzvrati, što ona sada i čini.