Zaev: Impičment Ivanova, ako se bude moralo

by | jun 20, 2018 | Novosti | 0 comments

Premijer Makedonije Zoran Zaev izjavio je da će parlamentarna većina zatražiti impičment predsjednika države Đorđa Ivanova, ukoliko ne potpiše dogovor sa Grčkom, a građani na referendumu se izjasne pozitivno.

“Postoji želja za ukrupnjavanjem parlamentarne većine i to ćemo napraviti isključivo za impičmnet predsjednika, ako budemo morali. Vrijeme prenemaganja, laganja, ličnih kalkulacija i političkog kalkulanstva se završilo. Makedonija mora da krene naprijed”, rekao je Zaev za TV Kanal 5, prenosi Beta.

Premijer Makedonije je istakao da su građani ti koji će odlučiti da li žele promjenu imena države, ali da ako dogovor sa Grčkom bude prihvaćen na referendumu, niko nema pravo da spriječava njihovo mišljenje.

“Mi smo tu da slušamo i sprovodimo. Građani će donijeti odluku koju moramo svi da poštujemo. Ne prijetim, ja sam mnogo realan i častan čovjek, ali ću uraditi sve da spriječim eventualnu blokadu prava građana da se izjasne”, rekao je Zaev.

0 Comments

Submit a Comment