Stotine hiljada Turaka okupilo se na ulicama Istanbula na poziv predsjednika Redžepa Tajipa Erdogana kako bi osudili neuspjeli pokušaj vojnog udara u kojem je poginulo više od 270 ljudi.

Na protestu koji označava kraj tronedjeljnih mitinga pristalica vlasti nije dozvoljeno isticanje stranačnih obiležja, već samo turskih zastava.

Zvaničnicu su najavili da je “Okupljanje za demokratiju i mučenike” skup jedinstva turskog naroda.
Vjerski zvaničnici i dvoje od troje lidera opozicije prisustvuju skupu, dok predstavnici Radničke partije Kurdistana (PKK) nisu pozvani, prenosi Beta.

Više od 15.000 policajaca obezbjeđuje skup, primjetno je jako prisustvo specijalnih jedinica, a helikopteri nadlijeću centar grada, javila je agencija Anadolija.

Dnevnik Hurijet je objavio da će se na na Trgu Jenikapi na obali Bosfora okupiti i do 3,5 miliona građana.

Hiljade autobusa i više od 200 čamaca prevozi pristalice turskog predsjednika do mejsta održavanja protesta. Na ulazima je postavljeno 165 detektora za metal.

Za neuspjeli prevrat Ankara optužuje prognanog imama Fethulaha Gulena koji je u egzilu u SAD, u Pensilvaniji.

Erdogan je u petak poručio da će jedan video bim za prenošenje događaja biti postavljen i u Pensilvaniji. “Poruka će stići i tamo”, rekao je turski predsjednik.

U pokušaju puča je poginulo 273 ljudi, a uslijedila je nemilosrdna čistka vojske, pravosuđa, prosvjete i medija gdje je, rekao je Erdogan, taj proces tek na samom početku.