Predsjednik narodne stranke Dragan Soc rekao je danas da Socijaldemokratska partija sigurno nece izaci iz Vlade, a “da prethodno nije dobila takvo naredjenje od Mila Djukanovica”. Prema njegovim rijecima, stav SDP-a da ce izaci iz Vlade ako neposredni izbori za Skupstinu drzavne zajednice budu organizovani prije referenduma u Crnoj Gori, je najava istovremenih saveznih i republickih izbora.

“Tesko da Djukanovic moze ucestvovati na izborima na nivou drzavne zajednice, a mora pod pritiskom Brisela, sa nekim programom koji bi motivisao biracko tijelo na koje on pretenduje”, rekao je Soc agenciji Mina. “Da bi to uradio, Djukanovic mora izazvati krizu Vlade”, dodao je Soc.