Povodom najnovijeg napada na redakciju dnevnika Vijesti, predsjednik crnogorskog parlamenta Ranko Krivokapić je izjavio da su Vijesti pod napadom mafije, a ne medijska mafija, prenosi Viesti online.

“Jasno je sa koje je strane mafija, sa ove strane gdje je eksplozija i prema tome tu dileme nema. Bez slobodnioh medija ne može biti ni ‘d’ od demokratije”, istakao je Krivokapić.

Prema njegovim riječima, ovo je mnogo više od udara na slobodnu riječ, ovo je udar na institucije koje čine temelj demokratije: “Slobodna štampa je temeljna institucija demokratije a jedna od najtiražnijih dnevnih novina svakako ‘Vijesti’ su to. Tražiću od parlamenta, ali mnogo više od Vlade da dobijemo što brže konkretne rezultate i da oko toga u parlamentu vrlo brzo otvorimo saslušanja, ako rezultata ne bude u primjerenom roku”, zaključio je Krivokapić, prenosi Vijesti online.