Na osnovu presuda Upravnog suda do sinoc u ponoc u biracki spisak upisano je ukupno 4.950 novih biraca, od cega samo juce 1750 do ponoci, kada je istekao rok za podnosenje tuzbi.

“Upravnom sudu je podnijeto ukupno oko 7.000 tuzbi, od kojih smo donijeli presude za njih 6.100. Donijeli smo 4950 presuda za upis, 930 za brisanje i izmjene podataka, dok smo 370 tuzbi odbacili. Ostalo je u radu”, kazao je Radulovic za “Vijesti”, napominjuci da ce sud o svim predmetima koji su stigli do sinoc u ponoc odluciti u toku noci i danas.

“Konacne presude poslacemo organima lokalne uprave koji su duzni da po njima postupe”, kazao je Radulovic.

Poslije danasnjih presuda Upravnog suda, biracki spisak za referendum 21. maja bice definitivno zakljucen, sto znaci da vise nikakve izmjene nece biti moguce.