Tuširanje je svakodnevna navika, ali mnogi se vječito pitaju: da li je bolje započeti dan jutarnjim tuširanjem ili ga završiti večernjim?

Kako navodi Health, odgovor nije tako jednostavan i zavisi od vaših preferencija i načina života, jer oba imaju svoje prednosti.

“Ne postoji univerzalno rešenje. Jutarnje tuširanje može biti odličan način za buđenje, poboljšanje cirkulacije i osvježavajući početak dana, posebno ako ste skloni noćnom znojenju. S druge strane, noćno tuširanje pomaže u ispiranju znoja, zagađenja, kreme za sunčanje i ostataka iz okoline”, navodi dermatološkinja Hana Kopelman.

Dermatološkinja En Andrienko kaže da jutarnje tuširanje može poboljšati cirkulaciju, razbuditi vas i ukloniti znoj nakon spavanja.

Jutarnji tuš može da vam pomogne da započnete dan osjećajući se osvježeno i puni energije. Prema istraživanju Sleep Foundation, 73,3 odsto ljudi kaže da se osjeća osvježeno ili energično nakon jutarnjeg tuširanja.

Takođe, jutarnje tuširanje poboljšava cirkulaciju, smanjuje upalu i ublažava bol, posebno ako završite hladnijom vodom prije izlaska.

Noćno prevrtanje i okretanje u krevetu može ujutro da ostavi zapetljanu kosu, ali jutarnji tuš može da pomogne da frizura bude uredna. Ako se znojite tokom spavanja, jutarnje tuširanje može da smanji tjelesni miris i pomogne vam da se osjećate čisto i osvježeno.

Tuširanje ujutro takođe pomaže u smanjenju natečenosti kože i priprema je za brijanje ili šminkanje.

Nedostaci jutarnjeg tuširanja

Iako je jutarnji tuš odličan za početak dana, postoje i mane.

Ako dajete prioritet jutarnjem tuširanju, nakupine prljavštine, znoja, peludi, kreme za sunčanje i zagađenja tokom dana ostaju na vašoj koži i u krevetu dok spavate.

Sa aspekta zdravlja kože, dermatološkinja Kopelman kaže da više preferira noćno tuširanje kako bi se spriječilo nakupljanje koje može da začepi pore ili izazove iritaciju. (Izvor:klix.ba)