Britanac Luk Vintrip je 43 puta prosio istu djevojku i ona je napokon pristala. Prvi put je Saru zaprosio na Jamajci nakon šest mjeseci veze.

Svaki put kada bi mu rekla “ne”, on bi postao kreativniji. Prosio je u napuštenim dvorcima, angažovao muzičare, organizovao večere uz svijeće itd. Napušteni dvorac u Pragu pretvorio je u bajkovito mjesto, ali čak i tada ga je odbila.

“Znao sam da je rano, ali sam naprosto znao da je ona ta prava. Prijatelji su mi rekli: ‘Pokušavaš je izmoriti’, ali nije bilo tako. Želio sam joj dokazati koliko ovo želim i nadao sam se da će jednog dana naše kćerke to pogledati i reći: ‘Pa, ako Luk toliko voli mamu, moram i ja pronaći nekoga ko mene toliko voli'”, kazao je Luk.

Sara je 2023. godine konačno pristala da se uda za njega. Taj trenutak se dogodio u Grinviču u Londonu. Ulični svirač je izveo sve njene omiljene pjesme.

“Mislim da bi trebao biti upisan u Ginisovu knjigu rekorda. Zahvalna sam što je toliko dugo istrajao”, rekla je Sara, prenose online mediji.