“Zalagao sam se da formiramo vladu na osnovu izborne volje. Ovo je bio posljednji pokušaj. Namjeravao sam da dam posljednji osvrt, ali je Mandić (Andrija Mandić, predsjednik Nove srpske demokratije i jedan od lidera Demokrastkog fronta) dao neku perspektivu koju ja ne vidim”, istakao je Lekić, prenosi portal Vijesti.

On je novinarima u Skupštini kazao da se desio se trijumf neozbiljnosti i šarlatanstvo.

“Mandić zaslužuje priznanje jer je strpljivo i odgovorno vodio proces. Na samom početku sam molio subjekte koji ne namjeravaju da prihvate sporazum, da to kažu odmah na početku. Ali ne, to smo doživjeli danas. Ne želim da dajem završnu ocjenu, građani će to uraditi. URA, SNP, DPS, SDP nastaviće da vode državu. DPS je današnjim rezultatom dobio vjetar u leđa. Mandić očekuje još neke odgovore, ja ih ne očekujem. Ova zemlje je umorna od ovakve političke elite. Nastavlja se mrcvarenje političkog života, simuliranje državne politike. Na građanima je da sumiraju ovaj bilans”, kazao je Lekić.

Sastanak stare većine trajao pola sata