Glavna urednica OED-a Fiona McPherson kaže da je ta riječ bila njihov očigledan izbor jer je ostavila “najupečatljiviji uticaj u društvu”.

“Popularnost ove riječi seže barem do osamdesetih godina prošlog vijeka, ali prema našem korpusu rijetko je korišćena do ove godine”, rekla je McPherson.

“Kada se tome još doda svestranost ove riječi u formiranju novih riječi, poput ‘vaxxie’ (slikanje selfija dok primate vakcinu), vax-a-thon (masovna vakcinacija), vaxinista (onaj koji se hvali da je primio vakcinu i promoviše to na razne načine) – postalo je jasno da je riječ ‘vax’ ta koja se izdvojila iz gomile drugih riječi”, pojasnila je McPherson.

Vax i vaxx su prihvaćeni načini pisanja, ali oblik s jednim x je češći.