Episkop Joanikije je rekao za Novosti da je neprihvatljivo da biznismen Miodrag Daka Davidović govori u njegovo ime i da je uvjeren da nije istina ono što je izjavio, da predsjednik Srbije Aleksandar Vučić stoji iza pokušaja atentata na njih dvojicu.

“Neprihvatljivo je da Davidović govori u moje ime, pošto mu takvo ovlašćenje nikad nisam dao, iako je ktitor crkve. Što se tiče pokušaja atentata na nas dvojicu u Beogradu decembra 2019. godine, uvjeren sam da predsjednik Srbije sa tim nema nikakve veze”, poručio je episkop.

„Ja razmišljam potpuno suprotno: da su tadašnje vlasti Crne Gore naručile atentat. Mislim da će moju pretpostavku istraga kad-tad potvrditi“, rekao je Joanikije.

Davidović je rekao da iza pokušaja atentata na njega i episkopa Joanikija stoji Aleksandar Vučić.

„Atentat na nas je izvela grupa koju je, prema pisanju štampe iz Srbije, izvršila mnoga nedjela. To je uzrok mnogih nesreća, a glavni organizator svih pogibija je Vučić“, rekao je Davidović.