Oko 1.800 ljudi okupilo se danas u Berlinu u znak solidarnosti s migrantima u Evropi i protiv mjera štednje u Grčkoj, saopštila je berlinska policija.

Demonstranti su se okupili pod sloganom “Učinimo Evropu drugačijom” na poziv njemačkih opozicionih stranaka i raznih ljevičarskih organizacija, prenosi Beta.

Okupljeni su nosili transparente “Bez granica! Zaustavite deportaciju!” i “Kažite jasno i glasno da su izbjeglice u Njemačkoj doborodošle”.

Neki demonstranti su nosili grčke zastave i plakate s porukama podrške toj zemlji, koja vodi teške pregovore s kreditorima o finansijskoj pomoći i kojoj prijeti bankrot.

Pored Berlina, skup je kasnije predviđen u Minhenu.

Sličan skup je održan i u Rimu, gdje je nekoliko stotina ljudi došlo da podrži imigrante, s čijim talasom se suočava Italija.

“Evropa pripada svima, kao i izbjeglicama i Grčkoj, a ne samo Njemacima i bankama”, rekla je jedna učesnica skupa u Italiji.

Šefovi diplomatija Evropske unija u ponedeljak će pokrenuti pomorsku misiju na Sredozemnom moru u cilju sprječavanja šverca ljudi, a misija će vjerovatno biti operativna nedjelju dana kasnije.