Jedna mlada Kineskinja pronašla je utjehu posle raskida s partnerom tako što je sedam dana boravila u restoranu brze hrane gdje je non-stop jela pržena pileća krilca.

Tan Čen je bila sedam dana u restoranu KFC koji je 24 sata otvoren i pozvala telefonom poslodavce kojima je rekla da je bolesna.

“Bila sam deprimirana i htjela sam prvo samo da naručim jednu porciju pilećih krilca. Kada sam pojela porciju, shvatila sam da ne mogu još da se vratim kući jer je sve bilo prepuno uspomena na mog partnera”, rekla je Tan Čen.

Posle sedam dana boravka u restoranu, Kineskinja već zasićena brzom hranom i umorna od sve većeg dolaska lokalnih medija koji su je primijetili, izašla je iz restorana, dala otkaz i vratila se svojim roditeljima.

Konobari u restoranu rekli su lokalnim medijima da je Tan Čen sjedjela na istom mjestu i da je naručivala isto – pileća krilca i pomfrit.