U Okala na Floridi je zabranjeno nositi pantalone na pola dupeta.

Zakon je donijet jednoglasnom odlukom gradskih otaca – svi koji nose namjerno spuštene pantalone (pet centimetara ispod linije struka), moraće da plate kaznu 500 dolara.

Ovaj predlog je podnijela poslanica Meri Rič, koja kaže da je “sramota šetati unaokolo da gaćama koje štrče ispod odjeće”.

Spuštene pantalone su zabranjene samo na ulicama, u parkovima, sportskim terenima, mjestima za rekreaciju i u javnom prevozu.

Svi koji budu uhvaćeni kako “krše zakon”, prvo će dobiti opomenu, potom novčanu kaznu, a onim upornima prijeti i zatvor.

Prije Okale, farmerke na pola dupeta su zabranjene u Nju Džerziju, Luizijani i Tenesiju. Ovakav trend nošenja pantalona nastao je u američkim zatvorima, gdje zatvorenicima nije bilo dozvoljeno nošenje kaiševa.