Podgorička nevladina organizacija Institut alternative (IA) je ocijenila danas da je zabrinjavajući nadzor nad sprovođenjem javnih nabavki, jer je Inspekcija za javne nabavke lanjske godine obavila samo 84 inspekcijskih pregleda, 25 manje nego 2012. godine.

“Budući da, po ocjeni Evropske komisije, ključni problem u oblasti javnih nabavki predstavljaju nepravilnosti u sprovođenju Zakona, odnosno slabi implementacioni kapaciteti nadležnih organa, neophodno je što prije stvoriti uslove za adekvatan nadzor nad sprovođenjem postupaka javnih nabavki”, sugeriše IA.

IA navodi da su su kapaciteti Uprave za inspekcijske poslove u odnosu na oblast javnih nabavki i dalje ograničeni, uzimajući u obzir da ima ukupno 698 obveznika primjene Zakona o javnim nabavkama, i preporučuje da što prije bude angažovan još jedan inspektora za javne nabavke.