Predsjednik Ukrajine Viktor Janukovič rekao je da nema namjeru da podnese ostavku.

Janukovič je u obraćanju naciji emitovanom na kanalu ICTV rekao da ima obavezu da zaštiti narod i da neće ni podnijeti ostavku, niti će otići iz Ukrajine, jer je “legitimno izabrani predsjednik”, prenosi RSE.

AFP navodi i da Janukovič “ne priznaje odluke donijete u Kijevu“.

Kako se pretpostavlja, Janukovič ovu poruku šalje iz Harkova, gdje je u toku kongres zvaničnika sa jugoistoka zemlje, koji su osporili legitimitet svih odluka koje se donose u Kijevu i “preuzeli odgovornost za ustavni poredak, prava građana i njihovu bezbijednost”.