Australijska Sjeverna Teritorija ima ozbiljan problem sa alkoholizmom, pa su vlasti uvele rigorozne mjere: pijanci sada mogu biti prisiljeni na rehabilitaciju i strpani u zatvor ako od rehabilitacije odustanu.

Alkohol pogađa sve u ovom regionu, ali najteže starosjedioce, Aboridžine – koji čine 29 odsto stanovništva te pokrajine, koja obuhvata dio centralne i sjeverne Australije, prenosi BBC.

U centralnoj Australiji, koju zovu i Elis Springs region, postoje 31 put veće šanse da ljudi umru od bolesti povezanih s alkoholizmom nego u drugim djelovima Australije, pokazalo je nedavno istraživanje.