Ričard Dokins, profesor na Oksfordu i zagovarač ateizma, tvrdi da mnogi roditelji zlostavljaju svoju djecu, namećući im svoja religiozna uvjerenja, a da toga nijesu ni svjesni.

“Ono što djecu trebamo učiti jeste da religija postoji i da neki ljudi u to vjeruju, ali da neki i ne vjeruju. No, nikada ne smijete učiti dijete da je katolik ili musliman, jer je to ono što ste vi. To je zlostavljanje djece”, rekao je Dokins u govoru na Festivalu knjige u Čiping Nortonu.

Dokins u svojoj najpoznatijoj knjizi “Zabluda o Bogu” tvrdi da je vjerovanje u nadprirodnog stvoritelja iracionalno i opasno za društvo.