Policija u američkoj saveznoj državi Ohajo ubila je oko 50 divljih životinja, uključujući i 18 rijetkih bengalskih tigrova i 17 lavova, koje su pobjegle sa farme u Zenesvil, nakon što je vlasnik njihove kaveze ostavio otvorene, a potom se ubio.

Naoružani policajci su duže od 24 sata lovili po poljima i šumama 56 životinja.

U toku noći ubijeno je 48 životinja, a tri leoparda, grizli i dva majmuna su zarobljena i odvedena u Columbus zoo vrt u istom okrugu.

Jedan vuk je kasnije pronađen mrtav, a u “bijegu” je još samo majmun.

Među ubijenim životinjama su i šest crnih medvjeda, dva grizlija, vuk, babun i tri planinska lava, a zvaničnici kažu da su sve ubijene životinje zakopane na Tompsonovoj farmi.

“Humanističko društvo” SAD je apelovalo na državu Ohajo da pooštri mjere i zabrani držanje egzotičnih životinja.

Ohajo je među državama koje imaju najslabije odredbe kada je u pitanju držanje egzotičnih životina, uprkos tome što je u toj državi veliki broj povrijeđenih i umrlih upravo usljed napada tih životinja.