Rečenica u kojoj je poljubac ljubavnika upoređen sa spajanjem žednog glodara sa džinovskom bocom vode, dobio je nagradu za najgori literarni opis koju dodjeljuje katedra za engleski jezik Univerziteta u San Hozeu.

Dobitnica je Moli Ringl iz Sijetla, a njena nagrađena rečenica u slobodnom prevodu glasi: "Prvog meseca njihove afere, na svakom ‘ukradenom’ sastanku pozdravljali su se dugim, pohlepnim poljupcem, Rikardo je lizao i sisao Felisitina usta kao da je ona džinovska boca vode, a on najžedniji pustinjski pacov na svijetu".

Tom Valas iz Kolumbije u Južnoj Karolini bio je drugi finalista. Njegova rečenica glasi: "Kroz zelena prostranstva Sjeverne Umbrije hodao je Vejlon Ogltorp, i, dok je hodao oblaci su šaptali njegovo ime, ptice pjevale hvalospjeve, a zvijeri u poljima, od najmanjih do najvećih govorile ‘Ide najplemenitiji među ljudima'".

Moli Ringl se kune da njene knjige nijesu ni blizu tako loše kao što upućuje rečenica za koju je osvojila nagradu.

Nnagrada se dodjeljuje od 1982. godine u znak sjećanja na svojevremeno veoma popularnog engleskog pisca Edvarda Džordža Bulver-Litona iz 19. vijeka, koji je prvi upotrijebio današnji kliše: "Bila je tamna, olujna noć…".